Praceiros de Ourense denuncian "a campaña de ataques en redes" de Jácome

Placeiros de Ourense emitiron un comunicado no que aseguran que constataron un incremento de afluencia e que os veciños lles trasladan o seu apoio, que agradecen, nun contexto no que denuncian "unha campaña de ataques en redes sociais" do rexedor, Gonzalo Pérez Jácome, que se foi "incrementando nos últimos días".

Tras a orde de desaloxo comunicada polo goberno local, os comerciantes tamén agradeceron "as mostras de apoio tanto publicas como privadas" que "están a chegar desde practicamente todas as administracións locais e autonómicas, partidos politicos, asociacións empresariais, mercados de toda España e Galicia, así como sociedade civil".

"Desde a Praza de Abastos queremos agradecer todo o agarimo que nos chega tanto a través das redes sociais e mensaxes, como por parte dos clientes que estes días se achegan ao mercado a trasladarnos o seu apoio. Grazas por todo o apoio; seguiremos traballando por mellorar Ourense e para que o alcalde termine con este bloqueo que nos impide saír da Alameda", conclúen.