O BNG reclama "garantir" a continuidade de Alcoa e pide ao Goberno "actuacións urxentes"

O BNG reclamará ao Goberno central "actuacións urxentes" para "garantir" a continuidade da actividade industrial e de mantemento dos postos de traballo na prata de Alcoa, en San Cibrao (Lugo).

Así o explicou, nun comunicado, o deputado do BNG no Congreso, Néstor Rego, tras as últimas comunicacións da empresa ao persoal.

Desta forma, preguntará o Executivo central na Comisión de Industria que accións iniciará para asegurar o mantemento da actividade e o emprego.

Rego criticou que Alcoa "continúe acumulando pretextos para non cumprir cos compromisos adquiridos", e que o Goberno central "manteña unha actitude permisiva e opaca".

"É inaceptable que o Ministerio de Industria actúe como cómplice dunha estratexia que parece encamiña a pechar a planta, igual que xa sucedeu na Coruña e Avilés", asegurou Rego.

A continuación, remarcou que hai un Memorando de Entendemento "asinando entre empresa, Ministerio e Xunta que non é público e que o comité de empresa descoñece, pero se percibe que non garante nin os investimentos previstos nin o futuro da fábrica".