Cume de embaixadores da UE na Coruña o vindeiro martes 21 de maio
A delegación diplomática está conformada por 23 embaixadores e embaixadoras dos 27 estados membros da Unión Europea, xunto coa cónsul honoraria de Bélxica
A Coruña acollerá o próxima martes, 21 de maio, o cume de embaixadores da Unión Europea con motivo da visita organizada pola Presidencia belga do Consello da Unión Europea a Galicia.
A alcaldesa, Inés Rey, ofrecerá unha recepción institucional á delegación diplomática no palacio municipal de María Pita ás 13,00 horas.
A rexedora estará acompañada por representantes institucionais e das principais entidades sociais e empresariais, xunto con outros sectores da cidade, nunha recepción aberta á sociedade coruñesa.
A delegación diplomática está conformada por 23 embaixadores e embaixadoras dos 27 estados membros da Unión Europea, xunto coa cónsul honoraria de Bélxica.
Os países que estarán representados son Alemaña, Austria, Bélxica, Bulgaria, Chipre, Croacia, Dinamarca, Eslovaquia, Eslovenia, Estonia, Finlandia, Francia, Grecia, Hungría, Irlanda, Italia, Letonia, Lituania, Luxemburgo, Países Baixos, Polonia, Portugal e Suecia.
Escribe o teu comentario