O PSdeG busca constituír os foros internos para un proxecto "centrado na maioría social"

O secretario xeral do PSdeG, José Ramón Goméz Besteiro, convocou aos coordinadores dos 15 grupos de traballo que a Comisión Executiva Nacional Galega acordou crear, o pasado abril, para construír formalmente os foros contorna aos que o partido quere configurar un "proxecto realista, galeguista e centrado na maioría social".

Besteiro subliñou o "obxectivo claro" de compartir ideas e elaborar propostas para construír unha "alternativa de futuro". Tras a configuración dos grupos, os socialistas galegos "queren escoitar máis voces, unir máis miradas e construír máis Galicia.

O líder dos socialistas galegos valorou o perfil dos 173 socialistas de toda a comunidade que se integraron no proxecto ao longo das últimas semanas.

"Son xente de todas as idades, con experiencia en sanidade, educación, rural, empresa e coidados", detallou Besteiro á vez que enxalzou que se trata de persoas "comprometidas, que coñecen a realidade e que queren construír". "Este proceso xa está en marcha e agora abrímolo a toda a sociedade", apuntou Besteiro.

COMPOSICIÓN DOS GRUPOS.
Así os grupos quedarán compostos por: Silvia Fraga coordina o de Igualdade; Abel Losada, Sector Económico; Natalia González Benéitez, Política Social; Xullo Torrado, Sanidade; Fabián Canosa, Educación; Silvia Longueira, Cultura e Lingua; Roberto Fernández Rico, Monte; José Ramón Romero, Mar e Recursos Mariños; e Ramón Alonso, o de Medio Ambiente e Emerxencia Climática.

Así mesmo, o grupo Transportes e Mobilidade, é responsabilidade de Patricia Otero; Memoria Histórica de Iván Puentes; o de Vivenda, de Iria Sobrino; o de Deportes, de Jorge Bustos; o de LGTBI, de Aitor Rodríguez Casanova; e o de Europa, de Nicolás González Casares.