Os Reis Meigos e o seu Carteiro Real visitan O Corte Inglés da Coruña este fin de semana
As súas maxestades de Oriente recibirán as solicitudes de grandes e pequenos antes do 6 de xaneiro.
Arrinca 2026 e aínda hai moitos que non mandaron a súa carta aos Reis Meigos. As súas maxestades de Oriente xa están a encher as alforxas dos seus camelos con agasallos para entregarselos aos nenos e nenas que se portaron ben durante todo o ano e que terán a oportunidade de dicirlles en persoa que queren debaixo do arbolito o día 6 de xaneiro.
UN FIN DE SEMANA CARGADO DE ACTIVIDADES
Será no Corte Inglés da Coruña onde o Carteiro Real, así como Melchor, Gaspar e Baltasar atenderán as solicitudes de grandes e pequenos. No entanto, os grandes almacéns herculinos gardan moitas máis actividades nos días que quedan de festas.
Este sábado 3 de xaneiro será Pablo Méndez Performance o que abra as portas do centro comercial para dar a benvida aos personaxes máis máxicos, que chegan mañá ao Corte Inglés da Coruña a partir das 19 horas. Elfos, soldados de chumbo e outros personaxes percorrerán cada recuncho do espazo, que tamén estes días acolle distintos tallees de manualidades desde as 18 até as 20 horas, na 3ª planta do edificio.
O Carteiro Real xa se atopa recibindo as solicitudes. Hoxe e mañá gardará as cartas dos nenos e nenas en ausencia dos Reis Meigos, que chegarán ao Corte Inglés o domingo 4 de xaneiro, ocupando os seus tronos localizados na 3ª planta do centro a partir das 17 horas.
Escribe o teu comentario