Besteiro pide unha reunión con Rueda para abordar o impacto dos aranceis de EEUU en Galicia

O secretario xeral do PSdeG, José Ramón Gómez Besteiro, enviou este venres unha carta ao presidente da Xunta, Alfonso Rueda, para pedir unha reunión urxente para analizar o impacto que os aranceis impostos por Estados Unidos poden ter sobre Galicia e elaborar unha resposta conxunta.

Besteiro, na misiva, mostrou a súa preocupación ante a "complexa" situación internacional que "afecta de cheo" a Galicia e aos seus intereses, económicos e sociais e "incrementa a incerteza e preocupación" dos cidadáns e dos diferentes que a conforman.

"Os novos escenarios abren novas oportunidades de crecemento para Galicia vinculadas aos investimentos que se destinarán á protección e á defensa europea e aos acordos de Mercosur, pero tamén provocan gran intranquilidade derivada dos movementos asociados ás políticas arancelarias que acaba de anunciar EE.UU.", recala Besteiro na carta.

Por iso, o líder dos socialistas galegos insta a Rueda en actuar cunha "estratexia clara e firme" e reitera a disposición do PSdeG de manter un "diálogo construtivo" co Executivo autonómico.

"Confiamos en que poidamos chegar a puntos de encontro en beneficio de todos os galegos", sinalou Besteiro, á vez que remarca a súa vontade de celebrar un encontro "no menor tempo posible".