A morte do adolescente queimado no incendio de Reicimil agrava a crise política dos bombeiros de Ferrol

O último informe médico do CHUAC detalla que unha muller de 24 anos continúa ingresada na Unidade de Queimados con prognóstico grave, con queimaduras de segundo grao en mans e pés que afectan ao 5% da súa superficie corporal, ademais de intoxicación por fume.

Pola súa banda, un menor de tres anos segue baixo observación na UCI Pediátrica con prognóstico reservado. O profesional que resultou ferido durante os labores de extinción, un bombeiro de 49 anos ao que se lle amputou unha perna, evoluciona favorablemente e xa foi trasladado a planta, segundo confirmaron este luns fontes hospitalarias.

O incendio, rexistrado na madrugada do xoves 19 de febreiro, deixou un balance de catro feridos graves, tres civís e un bombeiro. O mozo falecido foi trasladado de urxencia ao CHUAC, onde os médicos loitaron durante tres días por salvarlle a vida.

O alcalde de Ferrol, José Manuel Rey Varela, explicou días atrás que os primeiros informes técnicos elaborados polo corpo municipal de bombeiros apuntan a un radiador como posible causa do incendio. Aínda así, a Policía Científica mantén abertas as investigacións para esclarecer tanto a orixe exacta do lume como as circunstancias do accidente sufrido polo bombeiro ao operar o camión autoescalera, no que quedou atrapado un dos seus pés.

Tensións e protestas no corpo de bombeiros

O rexedor defendeu que a madrugada do suceso despregáronse todos os medios dispoñibles e que os protocolos de emerxencia funcionaron correctamente, desvinculando os feitos do conflito laboral aberto co parque de bombeiros de Ferrol.

O tráxico sinistro intensificou o enfrontamento entre os bombeiros de Ferrol e o goberno local. O corpo denuncia desde hai meses a falta de efectivos e de medios materiais, unha situación que, segundo varios membros, estaría directamente relacionada co accidente. De acordo coas versións recollidas en distintos medios, a noite do incendio só tres bombeiros operativos saíron na primeira intervención, mentres outro exercía de telefonista, e despois incorporáronse cinco efectivos do parque de Narón.

Os profesionais aseguran que as normas de seguridade esixen un mínimo de sete bombeiros por quenda e advirten de que esta precariedade na cobertura de gardas incrementa o risco operativo e a exposición a accidentes graves. Tras o suceso, organizaron novas mobilizacións en apoio ao seu compañeiro ferido e a súa familia, convertidos en símbolo do malestar do colectivo.

A esposa do bombeiro ferido ha presentado un escrito ante o alcalde denunciando a “situación inaceptable” na que se produciu o operativo e esixindo máis recursos humanos e materiais. Acusa o goberno ferrolán de “neglixencia política” e culpa á falta de persoal da magnitude do accidente.

Desde o Concello de Ferrol, o alcalde reiterou que as causas do accidente aínda se investigan e que a recente actualización da Relación de Postos de Traballo (RPT) respondía a unha necesidade de reorganización interna, garantindo que ningún traballador perdería dereitos nin retribucións. 

O Concello anunciou medidas para garantir o futuro laboral do bombeiro afectado, comprometer a adaptar un posto axeitado para que as secuelas físicas non afecten ao seu emprego nin ao seu salario. No entanto, o sindicato #CIG esixiu a dimisión do alcalde e dos responsables políticos da área de Seguridade e Recursos Humanos. Consideran que o accidente de Recimil “non pode desligarse da xestión municipal”, e denuncian deficiencias na avaliación de riscos e na formación sobre o novo camión autoescalera empregado durante o operativo.