A alcaldesa de Guitiriz (Lugo) cobrou dietas indebidas, acusa o PP de Lugo

O caso xorde dun desprazamento de lecer organizado por unha asociación privada guitiricense, ao que Morandeira asistiu a título persoal. O custo real da viaxe era de 250 euros en pensión completa con habitación dobre, máis un suplemento opcional de 60 euros por habitación individual, sumando un máximo de 310 euros. Con todo, o PP denuncia que a rexedora solicitou e percibiu do Concello 381,65 euros por aloxamento e manutención, o que implica un sobrecusto inxustificado financiado con diñeiro público.

O núcleo da denuncia céntrase no 10 de decembro, día en que Morandeira supostamente presidiu unha xunta de goberno municipal presencial en Guitiriz, asinando a acta correspondente e cobrando 153 euros en dietas por asistencia. Fotos publicadas por ela mesma en redes sociais do Concello sitúana ese día en Portugal. O regulamento municipal prohibe explicitamente a participación telemática en devanditas xuntas, que deben ser presenciais e con presenza en territorio nacional, facendo imposible a súa concorrencia.

López Rodríguez compareceu o luns 23 de febreiro de 2026 na sede do PP de Lugo, arroupado por figuras como o secretario xeral Javier Vázquez Nodal e deputados provinciais: Antonio Ameijide, Demetrio Salgueiro, José Ángel Santos, Armando Castosa e José Pardo. Ameijide apoiou a acción, vinculándoa a presuntas irregularidades na Deputación de Lugo —onde Morandeira ocupa un escano polo partido xudicial de Vilalba— e lembrou controversias previas do goberno PSOE-#BNG, como denuncias internas contra o ex presidente José Tomé.

Esta denuncia non é illada nas tensións entre ambos os bandos. O PP criticou repetidamente a Morandeira por subidas de taxas municipais, como o "brutal taxazo" na recollida de lixo (de 150 a 300 euros para hostalaría e cuadriplicado para supermercados), e pola paralización de obras como a residencia de maiores de Guitiriz, que atribúen a mala xestión.

Posición da alcaldesa

Pola súa banda, a acaldesa, Marisol Morandeira Morandeira, declinou facer declaracións sobre estes feitos dos que se lle acusa, asegurando "non ter coñecemento nin da denuncia nin dos feitos en cuestión".

Asegurou decatar das acusacións a través dos propios medios de comunicación e queda á espera de que se produza algunha acción xudicial por mor desta denuncia.

O Concello emitiu un comunicado esa tarde reafirmando a súa "transparencia absoluta" e "legalidade"v