A Xunta nomeou para un tribunal de oposicións a un candidato a esas mesmas oposicións

A Consellería de Facenda da Xunta de Galicia acaba de modificar a composición dun tribunal de oposicións de acceso libre e de promoción interna para educadores sociais. O cambio prodúcese inmediatamente despois de que o sindicato CIG alertase que un dos membros do tribunal era á vez opositor.
 

A Xunta nomeou a Juan Pablo Pena Ares como membro do Tribunal o 3 de febreiro no DOG. O seu nome aparece tamén na lista de opositores admitidos ao proceso á que tivo acceso Galiciapress.

O 5 de febreiro, o sindicato CIG Administración, o sindicato con máis peso na Xunta, denunciou que “aparece como vogal do tribunal suplente un educador, profesor especial (persoal laboral do grupo II, categoría 6) que tamén aparece nas listas provisionais de admitidos e excluídos dá Resolución do 22 de xaneiro de 2025”.

A central señalá que o sucedido debe ser un erro polo que no caso contrario, entende, estar a violar as normas elementais de limpeza e violando flagrantemente que  as leis rexen a composición dos tribunais,  nos cales loxicamente non pode participar ningún candidato.

O DOG de hoxe recolle que a Dirección Xeral de Emprego procede a “Aceptar a renuncia presentada por Juan Pablo Penas Ares como vogal suplente do tribunal”, sen mencionar a causa da renuncia.

Que din as leis sobre a seleccion dos membros dos tribunais de oposicións?

A normativa establece que os tribunais estarán formados por un número impar de membros, incluíndo un presidente, un secretario e varios vogais. Os membros adoitan ser designados entre funcionarios de carreira de corpos ou escalas cunha categoría igual ou superior á praza convocada e, nalgúns casos, con especialización ou experiencia nas materias obxecto de avaliación.
 

O procedemento de designación parte da administración convocante, que selecciona aos integrantes seguindo criterios como a súa competencia técnica, formación e experiencia. En moitas ocasións, tamén se utiliza un sistema de sorteo para evitar posibles conflitos de interese ou arbitrariedades. Ademais, os membros designados deben cumprir requisitos de neutralidade, evitando calquera relación directa cos aspirantes que poida comprometer a súa obxectividade.