A fiscal denuncia a Jácome polos audios de presuntos amaños de contratos no Concello de Ourense
Máis dun ano tardou a fiscalía en concluír a investigación sobre as gravacións nas que Jácome, presuntamente, in amañaba o contrato para a derriba do matadoiro municipal e esixía a dous funcionarios que asumisen unha multa ao seu coche oficial. O político sempre negou a veracidade dos audios, alegando que estaban manipuladas, mesmo chegou a denunciar ao xornal que as publicou. Agora o fiscal denúnciao formalmente a el, xusto cando o PSOE está a mover pezas para unha moción de censura.
A Fiscalía de Ourense presentou denuncia no xulgado en relación cos audios do alcalde, Gonzalo Pérez Jácome, feitos públicos fai máis dun ano, nos que a rexedor fala da suposta comisión de varias irregularidades.
Diarios como A Rexión e La Voz de Galicia publicaron fai algo máis dun ano audios que poderían comprometer a Pérez Jácome por presuntas irregularidades. Por exemplo, chegaron a difundir audios nos que pode escoitar a Pérez Jácome tratando, supostamente, de convencer a dous funcionarios para que asumisen unha multa imposta ao seu coche oficial, ou conversacións sobre supostos 'enchufes' de asesores e posibles doazóns irregulares para a súa campaña electoral.
No seu momento, os grupos municipais de BNG, PP e PSOE no concello ourensán presentaron denuncias ante a Fiscalía por si, desas conversacións, puidese inferir a comisión de diversos delitos (prevaricación, falsidade, malversación, etc.). As denuncias foron acumuladas e abríronse dilixencias de investigación
Agora, o ministerio público ha notificado que dá por concluídas esas dilixencias e confirma a presentación dunha denuncia no xulgado, aínda que non transcenderon os posibles delitos denunciados.
Escribe o teu comentario