Besteiro admite que non lle gusta Altri, pero prefire esparar a coñecer as "explicacións" da firma
O líder dos socialistas galegos prefire non mostrar expresamente a súa desconformidade con respecto ao proxecto de Palas de Rei, aínda que recoñece preocupación polos cambios do plan inicial.
O secretario xeral do #PSdeG, José Gómez Besteiro, recoñeceu que non lle "gusta" o proxecto de Altri na comarca da Ulloa pero cree que hai que "ir máis aló" de opinións persoais e reclamar que se dean "explicacións" sobre a iniciativa empresarial.
Así se pronunciou o responsable dos socialistas galegos a preguntas dos medios este luns, día despois da manifestación contra o proxecto celebrada en Palas de Rei (Lugo) e que estuvo apoiada por formacións políticas como BNG, Sumar, Podemos e Anova.
Besteiro, que apuntou que na marcha de Pas "había moitos socialistas", indicou que "non se trata" de expresar si "gusta ou non gusta" o proxecto. "Se alguén cre que con iso fixo o seu labor, está moi equivocado", apostilou.
Así, subliñou que a el, persoalmente, non lle "gusta" o proxecto por "o cambio que se experimentou" desde o seu anuncio ao que, segundo Besteiro, pretende Greenfiber levar a cabo, polo que considera que hai que "ir máis aló" e reclamar "explicacións".
Para Besteiro, é preciso que se aclare "que foi o que cambiou" sobre a actividade da planta, o número de traballadores prometido ao que se prevé que xere a planta coa súa posta en marcha ou a "viabilidade" da factoría máis aló dos fondos públicos que os seus promotores piden.
O socialista subliñou que "non é un proxecto exclusivamente privado" porque "se introduciron cuestións políticas" cando a Xunta "presentou e apadriñou" o proxecto "aos catro ventos".
Tamén porque Greenfiber reclama fondos públicos para pór en marcha a factoría, parte deles dos mecanismos europeos de reactivación e de descarbonización da economía.
Por iso, incidiu en que "aínda" se atravesa unha "fase" de aclaración do proxecto e manifestou a súa "confianza" no traballo dos técnicos da Xunta que, segundo Besteiro, tamén será "fiscalizado" polas forzas políticos como parte da súa "obrigación".
Escribe o teu comentario