O PSdeG ve que "a sanidade galega é un caos" tras os últimos cesamentos no SERGAS
Remarca que o Consello de Contas apunta a "listas de espera maquilladas, contabilidade opaca e contratación irregular".Aínda que di "aplaudir, desde logo, estes cambios de caras", José Miñones pide que haxa "un cambio de sistema", "un proxecto que aposte pola sanidade pública e un goberno que crea nela, dotándoa de orzamentos reais e máis recursos".E é que Miñones avisa de que o "demoledor" informe de Contas supón unha "emenda á totalidade" da política sanitaria de Alfonso Rueda e da Xunta.
O secretario de Sanidade do PSdeG, Jose Miñones, referiuse ás substitucións dos xerentes das áreas sanitarias de Santiago, Ourense e Ferrol para sinalar que van "dúas semanas de cesamentos continuos" na Consellería de Sanidade que revelan que "a sanidade galega é un caos".
"Cando algo se cambia é porque non funciona, iso é evidente", asegura Miñones nun audio remitido aos medios este sábado. "Son moitos os síntomas que mostran a gravidade na que se atopa a nosa sanidade", expón.
Así, alerta de que "estes 13 anos do PP están a arrasar a sanidade pública". Remarca que o Consello de Contas apunta a "listas de espera maquilladas, contabilidade opaca e contratación irregular".
Aínda que di "aplaudir, desde logo, estes cambios de caras", José Miñones pide que haxa "un cambio de sistema", "un proxecto que aposte pola sanidade pública e un goberno que crea nela, dotándoa de orzamentos reais e máis recursos".
E é que Miñones avisa de que o "demoledor" informe de Contas supón unha "emenda á totalidade" da política sanitaria de Alfonso Rueda e da Xunta. Considera que este informe supón que Sanidade "debe ir moito máis alá de cambios de nomes e de postos".
Escribe o teu comentario