Miguel Santalices repetirá como presidente do Parlamento para a XII Lexislatura
Estará acompañado na Mesa da Cámara galega pola deputada popular Elena Candia, como vicepresidenta primeira, e pola até agora conselleira de Infraestruturas e Mobilidade, Ethel Vázquez, como secretaria primeira
Miguel Santalices repetirá como presidente do Parlamento de Galicia durante a XII Lexislatura que se estreará este luns no Pazo do Hórreo e estará acompañado na Mesa da Cámara galega pola deputada popular Elena Candia, como vicepresidenta primeira, e pola até agora conselleira de Infraestruturas e Mobilidade, Ethel Vázquez, como secretaria primeira.
Esa é a proposta que o PPdeG deu a coñecer este domingo e que está previsto que se corrobore este luns coa maioría absoluta que os populares obtiveron nos comicios autonómicos do 18 de febreiro.
Para a elección, faranse tres votacións en urna separadas: unha para elixir á persoa que ocupará a Presidencia, outra para escoller á vicepresidencia primeira e á vicepresidencia segunda, e unha terceira para designar ás persoas que ocuparán a secretaría e a vicesecretaría.
Escribe o teu comentario