Ángeles Vázquez acusa a Sánchez de "alentar" aos 'okupas' coa nova lei de vivenda

A vicepresidenta segunda e conselleira de Medio Ambiente, Territorio e Vivenda, Ángeles Vázquez, acusou ao presidente do Goberno, Pedro Sánchez, de "alentar" aos okupas coa nova lei de vivenda.

Así o explicou nunha entrevista na Cadea SER, na que explicou que o que busca é "sentar nunha mesa", analizar os artigos que consideran inconstitucionais, aínda que recoñeceu que hai "liñas vermellas" que a Xunta "non quere pasar".

"Unha delas é que entendemos que non se lle poden dar os dereitos aos okupas fronte aos propietarios dunha vivenda, non poden obter unha vivenda pública un okupa igual que aquela persoa que está nunha lista para tela", esgrimiu.

Para a conselleira, un do artigo desta lei "alenta" aos okupas. "Se alguén entra nun edificio ou sen entrar ten un contrato, paga o primeiro mes e deixa de pagar, pois ten que ser o propietario quen diga que é vulnerable a familia que está dentro desas casas", apostilou.

Por tanto, o que pediu Galicia foi que en 48 horas puidese haber un desaloxo e despois hai que "#sentar e avaliar" cales son as condicións e por que hai okupas. "En Galicia a gran maioría dos casos son antisistemas, non xente que pedise axudas", remarcou.

Ante un posible recurso por parte do Goberno galego ante o Constitucional desta lei de vivenda, Vázquez insistiu en que "o primeiro" que van facer é "sentar" co Goberno e tentar chegar a un acordo, a un consenso.

Se iso non sucede, se non se queren regular as vivendas da Sereb ou non se fan os desaloxos en 48 horas, entón "si" que tomarían a decisión de recorrer ante o Constitucional.
 

LEI GALEGA DO LITORAL

Por outra banda, sobre a lei galega do litoral, explicou que "non sabe de que se trata" o ditame do Consello Consultivo e avanzou que ao presidente da Xunta de Galicia, Alfonso Rueda, a ministra informoulle de que o recurso ía ao Consello de Ministros, pero que, a partir de aí, "non saben nada máis".

Vázquez indicou que o único que queren é que "non se lles roube" a posibilidade de defender e por máis que analizan "non lle salguen" os 31 artigos que o Goberno dixo que eran inconstitucionais.

Desta forma, detallou que durante o trámite fixéronlle " consultas" e que algunhas "non foron respondidas" e outras que si foi cun "carácter totalmente xeneralista" e que "xamais" entraron a detallar os artigos.

Vázquez amparouse nas competencias do Estatuto para ordenar o litoral e "a lóxica" era ir a unha bilateral, algo que a Xunta tamén presentou coa lei de vivenda coa que "non están de acordo" xa que cren que é inconstitucional.

Ante a apertura a posible modificación da lei do litoral, Vázquez esgrimiu que o primeiro que teñen que facer "é defender", porque desde que o Goberno presentou o recurso "vólvese a dar marcha atrás" xa que hai unha "total inseguridade xurídica".