O Centro Internacional de Prensa de Galicia acollerá un debate electoral con cinco cabezas de lista galegos
Participarán no debate Francisco Conde, do PP; David Regades, do PSdeG-#PSOE, Néstor Rego, do BNG; Marta Lois, de Sumar, e Juan Garcialaso de Veiga, de Vox
Santiago acollerá o vindeiro martes un debate con 5 candidatos cabezas de lista en Galicia ás próximas eleccións xerais do 23 de xullo. O acto está organizado pola Asociación de Xornalistas de Santiago de Compostela e terá lugar no Centro Internacional de Prensa de Galicia, xestionado pola propia asociación, situado na Rúa Nova, 9, no centro histórico compostelán.
O debate dará comezo ás 19:00 e contará coa participación de Francisco Conde, último vicepresidente da Xunta de Galicia e número 1 do Partido Popular polas eleccións xerais; David Regades, número 1 do #PSdeG-#PSOE pola provincia de Pontevedra; Néstor Rego, actual deputado polo #BNG no Congreso dos Deputados e cabeza de lista pola formación nacionalista na provincia da Coruña; Marta Lois, nomeada por Yolanda Díaz presidenta do movemento Sumar e candidata a este partido pola provincia da Coruña, e Juan Garcilaso de la Vega, candidato de Vox pola provincia da Coruña.
A entrada a este acto, segundo informaron desde a súa organización, será libre até completar o aforamento do local.
Escribe o teu comentario