Extinguidos os incendios da Pobra do Brollón, Maceda, Montederramo, A Mezquita e Avión
Seguen controlados os de Oímbra e Xinzo de Limia, Larouco e Chandrexa de Queixa
Os incendios forestais da Pobra do Brollón, Maceda, Montederramo, A Mezquita e Avión, que calcinaron máis de 15.320 hectáreas, quedaron extinguidos na tarde deste sábado.
Así o informou a Consellería do Medio Rural na súa última actualización sobre incendios en Galicia, con datos solicitados até as 20.45 horas de lumes de máis de 20 hectáreas.
En cifras, o incendio da Pobra do Brollón, na parroquia de Abrence, calcinou 1.107, 24 hectáreas das cales 1.057,24 son de monte arboledo e o resto de monte raso.
O lume de Maceda, nas parroquias de Santiso e Castro de Escuadro, afectou a 3.665 hectáreas -- un total de 3.250 son de monte raso e 415 de arboledo, parte delas no municipio de Vilar de Barrio--.
O incendio forestal de Montederramo, na parroquia de Paredes, calcinou 209,02 hectáreas -- 157,72 delas son de monte raso-- e o de Avión, na parroquia de Nieva queimou 340,37 hectáreas --das cales 272,37 son de monte raso--.
En canto ao lume da Mezquita, parroquia da Esculqueira, que calcinou terreo en oito localidades da provincia e estendeuse até Lugo por Quiroga, afectou a un total de 10.004 hectáreas --das cales 5.636 son de monte raso e 4.368 de monte arboledo--.
Así mesmo, seguen controlados os indencios de Oímbra e Xinzo de Limia, nas parroquias da Granxa e Gudín, (17.000 hectáreas; o de Larouco, parroquia de Seadur, (30.000 hectáreas); e o de Chandrexa de Queixa (19.000 hectáreas).
Escribe o teu comentario