Gustaríame crer que os medios de comunicación son independentes. Mellor dito, existen pero moi poucos. É complicado cando as cadeas de radio e os xornais son negocios. O poder sobre os medios de comunicación sempre foi unha obsesión por parte de quen sustenta o poder, mediante o investimento en publicidade. Hoxe, máis que nunca, convén lembralo, pois corren tempos difíciles para a liberdade de prensa.

A nosa Constitución consagra o dereito a «recibir libremente información veraz por calquera medio de difusión (artigo 20), o cal non pode restrinxir mediante ningún tipo de censura previa». Pero cando a administración se gasta en axudas a xornais impresos en formato papel millóns de euros durante anos, aí é cando aparece a opacidade en determinadas partidas públicas. En Galicia sufrímolo e sufrimos co goberno galego durante anos facendo oídos xordos ás denuncias de manipulación na Televisión de Galicia e regalando diñeiro discrecional aos medios que abalan o seu labor.

Os medios de comunicación serviron de vía para que os partidos políticos atópense «» cos cidadáns, cos seus posibles electores. Iso depende de factores económicos ou de relacións que poidan existir entre líderes do partido e donos dos medios.

Por tanto, resulta necesario establecer regras que traten de equilibrar a situación entre os distintos partidos, especialmente en tempo de eleccións. Aquí entran en xogo os partidos minoritarios, que se erixen como suxeitos relevantes nas democracias. Ignorados polos medios de comunicación tradicionais, os partidos minoritarios necesitan aproveitar as vantaxes que supoñen os medios dixitais independentes e as RRSS para competir cos grandes partidos. Sen unha prensa independente «non todos os partidos políticos teñen iguais posibilidades de acceso aos medios de comunicación».

Se queremos unha cidadanía informada necesitamos unha información baseada na ética xornalística e no rigor informativo. Como nos di Leila Guerriero, referente do xornalismo narrativo “facer xornalismo –falamos de bo xornalismo, obviamente– é moi difícil”. Existen os medios independentes? Si, a condición de que non se dependa economicamente de intereses de grupos de poder.