Os mozos da Expedición Volta ao Mundo (VAM) reciben formación sobre dereitos humanos en Santiago

Os expedicionarios -estudantes seleccionados polo seu currículo- visitaron A Coruña, Ordes e Santiago de Compostela.

En Ordes recibiron unha conferencia de Antonio López Maiño, experto na figura de Isabel Zendal, a enfermeira que dirixiu a expedición que levou a vacuan a América.

A expedición é organizada polo programa Volta ao Mundo (VAM), patrocinado pola Axencia Española de Cooperación Internacional para o Desenvolvemento (AECID). O proxecto busca inculcar valores como a igualdade, a amizade, o respecto, a superación e a importancia da interculturalidade.

A expedición está formada por medio centenar de mozos de Iberoamérica.  Están a visitar A Coruña, Ordes e Santiago de Compostela durante esta semana.

Hoxe están en Santiago, onde recibirán a unha charla sobre os dereitos humanos e a formación que imparte Instituto Europeo Campus Stellae de Santiago. O Instituto Europeo imparte esta materia en máis de 30 países. 

En Ordes, recibiron onte unha conferencia de Antonio López Maiño, experto na figura de Isabel Zendal.   Isabel Zendal Gómez (26 de febreiro de 1773 - 2 de marzo de 1806) foi unha enfermeira española que dirixiu a Expedición Filantrópica da Vacina, a primeira expedición organizada para levar a vacina das vexigas a América Latina. En 2009, a Organización Mundial da Saúde (OMS) declarou a Isabel Zendal como unha das "Mulleres Pioneiras da Saúde".

Durante esta viaxe iniciática, medio centenar de mozos seleccionados entre os mellores expedientes académicos de toda Iberoamérica viaxan por gran parte de España e Portugal, profundando na historia común dos pobos iberoamericanos e traballando nos 17 Obxectivos de Desenvolvemento Sostible establecidos polas Nacións Unidas na Axenda 2030.

A iniciativa está dirixida por Jesús Luna Torres, profesor do Departamento de Educación Física, Deporte e Motricidade Humana da Universidade Autónoma de Madrid (UAM), e o recoñecido realizador e escritor Carlos Pecker.