Desactivan un operativo de procura en Foz ao confirmar que non había ninguén en perigo

Un operativo de procura no mar en Foz foi desactivado despois de que os medios de emerxencias confirmaron que non había ninguén en perigo.

Segundo informou o 112, foi un particular o que sobre as 07.00 horas deste domingo alertou de que escoitaba berros que podían corresponder cunha petición de axuda no mar, na zona da praia de San Bartolo.

A central de emerxencias solicitou a acción de Salvamento Marítimo, do Servizo de Gardacostas de Galicia, da Garda Civil, do GES de Cervo, da Policía Local de Foz e dos voluntarios de Protección Civil de Foz.

Unha vez no punto os servizos de emerxencias atoparon a un home fose da auga e que non necesitaba asistencia sanitaria. Con todo, ante a posibilidade de que houbese outra persoa implicada, os medios continuaron a procura até confirmar que ninguén estaba en perigo.