Ribadeo decreta tres días de loito pola morte do catro novos en Xove
O presidente da Xunta tamén quixo expresar o seu persar polos falecementos no tráxico accidente
O Concello de Ribadeo decretou tres días de loito oficial pola morte do catro novos no accidente de Xove.
Nunha declaración institucional asinada pola corporación despois de coñecer o tráxico suceso, o consistorio trasladou o seu pesar polo falecemento das dúas mozas, unha de 17 e outra de 18 anos, e polos dous mozos, de 18 e 19 anos. No accidente resultaron tamén feridas dúas persoas: o condutor, de 18 anos, e un sexto ocupante, de 19.
O ayuntamietno expresou a súa solidariedade, condolencia e apoio ás familias e achegados das vítimas, todas elas naturais de Ribadeo.
"Somos conscientes de que os xestos non acougan a dor, aínda que nos mostran a proximidade, a solidariedade e o apoio da corporación de forma unánime", indica o comunicado difundido polo goberno local nas súas redes sociais.
O loito oficial se mantedrá até o vindeiro luns, suspenderanse todos os actos oficiais do municipio e as bandeiras do seu edificio permancerán a media hasta.
O presidente da Xunta de Galicia, Alfonso Rueda, tamén transmitiu o seu pesar a través das redes sociais: "Que tristeza e que duro. Quero enviar todo o meu agarimo e apoio ás familias dos falecidos na súa dor, que ten que ser tremenda", lamentábase o mandatario autonómico.
Escribe o teu comentario