A Xunta di que vixiou o brote de sarna en DomusVi Monforte, pero non aclara cando
A Consellería de Política Social, tras o requirimento de Galiciapress, insiste en que actuou "como corresponde" no brote de sarna que afectou, segundo as contas oficiais, a dous usuarios do centro.
A Consellería de Política Social, tras o requirimento de Galiciapress, insiste en que actuou "como corresponde" no brote de sarna que afectou, segundo as contas oficiais, a dous usuarios do centro.
No entanto, as datas seguen sen coincidir. O brote, declarado en agosto, parece ter un primeiro caso de sarna en xuño, afectando a unha usuaria que faleceu no hospital en xullo.
A sombra da dúbida segue planeando sobre o centro DomusVi de Monforte de Lemos e sobre a xestión que a empresa e a Xunta de Galicia fixeron do brote de sarna declarado o pasado mes de agosto, a pesar de que a denuncia da familia dunha residete falecida en xullo manifesta que o brote comezou moito antes no centro.
Desde Política Social responden as cuestións de Galiciapress cun conciso comunicado no que delcaran que DomusVi Monforte "informou no seu momento á Consellería de Sanidade para activar o procolo correspondente".
Nesa liña, a Xunta insiste en que se actuou segundo "corresponde neste tipo de casos" e que o geriatrico notificouno "tal e como é a súa obrigación". "Desde a xefatura territorial da Consellería de Sanidade realizáronse as accións pertinente en canto ao control e vixilancia do brote", conclúen.
HOUBO UN PRIMEIRO CASO NON DECLARADO EN XUÑO?
Con todo, Política Social non entra a aclarar as cuestións que lle trasladou este medio sobre si abríronse expedientes ou se practicaron máis inspeccións no asilo con motivo do brote. Desta forma, queda a dúbida sobre os verdadeiros tempos de actuación e si realmente operouse con presteza, xa que as datas non parecen coincidir á hora de actuar para o control desta enfermidade tremendamente contaxiosa.
Segundo o relato do familiar da usuaria falecida, á que non lle foi diagnosticada a sarna ata que abandonou o centro para ser hospitalizada, a anciá foi tratada nun primeiro momento por un "sarpullido" no mes de xuño, pero a súa doenza non mellorou. Foi a filla desta muller a que terminou por comprarlle cremas e tratarlle persoalmente esa erupción para acougar as molestias da residente.
O estado de saúde da muller agravouse e non foi até o seu ingreso no hospital que recibe o diagnóstico de sarna. A muller falecería pouco despois, no mes de xullo. Non foi até o mes seguinte, concretamente o 19 de agosto, cando o Sanidade declara o brote que afecta a dous usuarios. Con todo, a afectada comentou a este medio que nas súas indagacións chegou a recoller o testemuño de traballadores da residencia que recoñecían que "algúns usuarios xa se rascaban".
Escribe o teu comentario