As chamas cercan varias vivendas en Salvaterra do Miño polo incendio de Pesqueiras

A Consellería do Medio Rural decretou a 'situación 2' como medida preventiva por proximidade ás vivendas nun incendio forestal activo na parroquia de Pesqueiras, no municipio pontevedrés de Salvaterra do Miño.

Segundo informou a Xunta nunha nota de prensa, esta situación operativa de emerxencia declarouse pola proximidade do lume ao núcleo de poboación de Castelo.

O incendio iniciouse ás 15.45 horas deste luns e segundo as primeiras estimacións afecto a unha superficie de 12 hectáreas. Polo momento mobilizáronse para a súa extinción un técnico, tres axentes, 10 brigadas, catro motobombas, dúas pas, sete avións e sete helicópteros.
 

A Consellería trasladou a Europa Press que descarta que se trate do mesmo incendio que se iniciou este domingo na localidade portuguesa de Viana do Castelo.