A ONCE deixa 700.000 euros a algún agraciado de Santa Cecilia, Narón, Ferrolterra
O Cupón Diario do Once repartiu 700.000 euros na parroquia de Santa Cecilia do municipio coruñés de Narón.
Foi a través de 20 cupóns, premiados con 35.000 euros cada un e correspondentes ao sorteo do luns, 4 de decembro.
O vendedor da Once Miguel Hermida Cudillero é quen levou a sorte con estes 700.000 euros que repartiu na súa ruta de venda por Santa Cecilia.
O Cupón Diario do Once pon en xogo un premio de 500.000 euros ao número máis a serie, e 49 premios de 35.000 euros ás cinco cifras do número premiado. Ademais: 450 premios de 250 euros ás catro primeiras cifras e outros 450 premios ás catro últimas; 9.000 premios de 25 euros no caso de tres últimas ou tres primeiras; e o mesmo para as dúas primeiras e últimas (6 euros), e reintegro de 2 euros á primeira ou a última cifra do número premiado.
Escribe o teu comentario