As vendas de eléctricos de Stellanis dispáranse este 2025, con máis de 10.000 vehículos até xullo

Stellantis alcanzou a cifra de 10.209 matriculacións de vehículos 100% eléctricos, turismos e comerciais, nos primeiros sete meses de 2025 no mercado español, o que representa unha cota do 16,6%, segundo datos do grupo automobilístico.
 

O grupo, que agrupa marcas como Abarth, Alfa Romeo, Citroën, DS Automobiles, Fiat, Jeep, Lancia, Leapmotor, Maserati, Opel e Peugeot, matriculou 8.234 turismos eléctricos até xullo, cunha cota do 15%. No caso dos vehículos comerciais eléctricos, a cota alcanzada foi do 31%.
 

No segmento comercial, a demanda viuse impulsada, segundo o grupo, pola fiabilidade e versatilidade dos modelos dispoñibles, adaptados ás necesidades de empresas, profesionais e particulares. Entre os turismos, destaca o Citroën ë-C3 como un dos cinco modelos 100% eléctricos máis vendidos no que vai de ano.

A oferta eléctrica de Stellantis cobre diversos segmentos do mercado, desde urbanos e SUV até berlinas, vehículos 4x4 e deportivos, en liña coa súa estratexia de electrificación en Europa.