Deteñen a un traballador de Alcoa San Cibrao polo roubo de 345 quilos de aluminio
O operario pretendía saír da fábrica con cinco bloques de aluminio ocultos no seu vehículo.
A Garda Civil de Xove (Lugo) detivo a un veciño desta localidade, empregado de Alcoa, como presunto autor do furto de 345 quilos de aluminio na planta de San Cibrao, en Cervo .
Segundo informaron fontes da Comandancia de Lugo, este home pretendía saír da fábrica con cinco bloques de aluminio, ocultos no interior do seu vehículo.
Os feitos foron detectados polos servizos de seguridade privada do complexo ao redor das 6,30 horas do pasado martes, cando o empregado pretendía saír das instalacións. Os vixiantes alertaron á Garda Civil, que procederon á detención do home.
O presunto autor do furto foi posto en liberdade, á espera de ser citado polo xulgado de instrución número 1 de Viveiro, que é o que estaba de garda.
Escribe o teu comentario