Altri promete que a fábrica ocupará só o 30% da superficie de máis de 500 campos de fútbol que terá
A polémica macrocelulosa abarcaría 366 hectáreas en Palas de Rei, o que equivale a uns 513 campos de fútbol de tamaño regulamentario.
Greenfiber, filial en España de Altri, presentou o seu "minucioso proxecto paisaxístico" que afectará a un total de 99 hectáreas que rodea o proxecto 'Gama', que se prevé instalar en Palas de Rei (Lugo).
Segundo informa a empresa, esta intervención contempla non só "un cinto perimetral de especies autóctonas", senón tamén "unha serie de áreas de compensación para protexer e favorecer o crecemento de especies endémicas protexidas", entre outras zonas.
Así, tal e como calcula Greenfiber, das 366 hectáreas de superficie total da parcela, a fábrica ocupará 112, o 30%; 155 hectáreas manteranse no estado actual, o 42%; e outras 99, é dicir, o 28%, será o cinto verde e a área de compensación de especies protexidas.
Escribe o teu comentario