Viaqua segue reforzando o tecido social co programa 'Auga, saúde e infancia'

Nun acto celebrado en Santiago de Compostela, Viaqua deu un paso firme cara á xustiza social ao lanzar un programa que une auga, saúde e apoio á infancia. As entidades beneficiarias desta primeira edición son Fundación Andrea, Down Compostela, Asociación de Dano Cerebral de Compostela Sarela, Aspanaes, Asotrame e Asanog. 

Os seus representantes acudiron ao evento na Vila dá Auga, sede de Viaqua, xunto a Nicolás Esmorís, director executivo da compañía, e Javier Díez, director territorial de Veolia, para rubricar os acordos. Os proxectos abarcan desde asistencia sanitaria até actividades de lecer, pasando por iniciativas científicas e de sensibilización ambiental, todas enfocadas en elevar a calidade de vida dos máis vulnerables.

ALIANZAS QUE CAMBIAN REALIDADES

Viaqua, referente na xestión da auga en Galicia, puxo en marcha ‘Auga, Saúde e Infancia’ para apoiar seis iniciativas sociais nos municipios onde opera. O programa inclúe accións como o apoio a menores e mozos con enfermidades, a promoción de hábitos sostibles e a garantía de necesidades básicas para familias en situación de dificultade. Durante o acto, Nicolás Esmorís destacou o alcance desta aposta: “O noso labor transcende a subministración de auga; buscamos construír comunidades máis equitativas e saudables con proxectos que deixen pegada na sociedade”.

O compromiso social de Viaqua non é novo. A empresa xa colabora con entidades como Cruz Vermella nun fondo para sufragar facturas de auga a persoas en risco de exclusión e con Igaxes nas Bolsas Talento Novo e Talento Profesional, destinadas a estudantes con barreiras económicas. Estas accións reflicten as súas prioridades: inclusión, educación ambiental e mellora das condicións de vida.

IMPACTO DESDE A BASE

O evento do 26 de marzo en Santiago de Compostela serviu para escenificar esta alianza entre o sector empresarial e as asociacións. Viaqua expresou a súa gratitude ás organizacións participantes pola súa dedicación, subliñando que estas colaboracións son clave para avanzar cara a unha sociedade máis solidaria. “Non deixar a ninguén atrás é o noso principio reitor”, afirmou a compañía, que ve nestas sinerxías unha ferramenta para amplificar o impacto da súa responsabilidade social.