Folga no comercio de alimentación: sen incidencias e "seguimento masivo" desde os supermercados

Os sindicatos CIG, UXT, CC.OO. e USO convocaron este venres a miles de traballadores do sector do comercio de alimentación na provincia da Coruña a sencundar unha folga que contou, segundo din os sindicatos, cun "seguimento masivo" e que se desenvolveu sen incidentes nunha xornada que tivo en Santiago de Compostela a principal mobilización.

PROTESTAS

Centos de traballadores levaron as súas protestas até a Praza de Praterías, na capital galega, onde entoaron consignas en defensa dun mellor convenio onde se recoñeza "o esforzo diario dos persoais e permita avanzar en dereitos laborais e salariais".

Santiago non foi o único lugar con protestas, pois A Coruña, Ferrol ou Ribeira foron outras localidades onde se deron concentracións e manifestacións, ademais de reportar piquetes nalgúns establecementos. "Nas plataformas de distribución non entraron nin a traballar e nas tendas están con algunha caixa", detallan desde as centrais sindicais.

A protesta ten lugar chega tras meses de negociación "sen interese da patronal", acusan os sindicatos, que censuran o "inmovilismo" dos empresarios, que bloquean un pacto, segundo a súa tese, pola mellora das condicións laborais e salariais de miles de traballadores. 
 

Así, reprenden á patronal por "#negar a asumir propostas que permitan recuperar poder adquisitivo, avanzar na conciliación ou mellorar unhas condicións laborais cada vez máis deterioradas nun sector esencial", que busca cristalizar subidas salariais do 10% para 2026, 4,5% para 2027 e 4% para 2028, "en todos os casos con cláusula de revisión salarial atendendo ao IPC real", entre outras cuestións.