A fábrica de fibra reciclada blanqueada de ENCE As Pontes recibe

A empresa Ence Enerxía e Celulosa anunciou que o seu proxecto nas Pontes (A Coruña) recibirá apoio dentro da convocatoria estatal destinada a instalacións manufactureiras altamente eficientes e descarbonizadas. Segundo a compañía, esta axuda permitirá avanzar na planta que producirá fibra reciclada blanqueada a partir de papel e cartón recuperados, o que a converterá en “unha instalación pioneira a nivel mundial”.

A axuda son  24,7 millóns de euros do Proxecto Estratéxico para a Recuperación e Transformación Económica (Perte).

Desde a compañía destacan que a iniciativa se axusta plenamente aos principios da economía circular, xa que o proceso permitirá dar unha “nova vida” a materiais xa utilizados, reducindo así a dependencia de recursos virxes. Ence prevé que o complexo xere emprego local e contribúa á transición ecolóxica dunha comarca marcada polo peche da térmica de Endesa.

O proxecto desenvolverase precisamente nos terreos industriais da antiga central de carbón das Pontes, clausurada hai dous anos. Desde a empresa subliñan que esta reindustrialización constitúe “un exemplo tanxible de transición xusta”, xa que substituirá unha actividade intensiva en emisións por outra baseada en procesos sostibles e enerxías limpas.

A planta operará con autoabastecimiento enerxético procedente de fontes renovables e empregará subproductos do sector forestal galego como materia prima para xerar a súa propia electricidade. Ence asegura que non recorrerá a combustibles fósiles en ningún punto do proceso produtivo.