Pecha Tórculo, a imprenta con máis soleira de Santiago de Compostela

A empresa compostelá de artes gráficas Tórculo, con máis de 40 anos de experiencia, botou o peche, segundo informa a Europa Press o até agora xerente, Jacobo Bermejo.

A compañía levaba un ano en concurso de acredores e o prazo para as ofertas concluíu sen que ningunha fose admitida, de modo que Tórculo Comunicación Gráfica S.A. baixou a persiana de forma definitiva o pasado 30 de xuño.

Nos últimos tempos, Tórculo, que contaba con local na zona viaxe de Santiago --na Praza de Mazarelos-- e instalacións no polígono do Tambre, dispuña dun persoal de 48 traballadores. 

Na primavera, o sindicato CIG denunciou opacidade, decisións dubidosas en xestión e esixiu transparencia e apoio institucional para salvar os empregos. 
 

Durante as súas primeiras décadas, apostou por innovación temperá: implantou impresión dixital e servizos de tirada curta (“print-on-demand”). Celebrou o seu 40.º aniversario en 2022 cun evento na Sala Capitol de Santiago: reuniu a universidade, cultura e sociedade, homenaxeou ao seu persoal (destacando roles femininos) e impulsou a creación dun libro conmemorativo. nvirtió máis de 1 M € en 2022 para instalar a primeira prensa dixital Ricoh Prol VC70000 de inxección continua en cor de España, combinada con prensa Ricoh Prol C7200x de cinco cores. 

En 2023 engadiu ao seu arsenal a DuSense para acabados UV texturizados e en relevo, mellorando calidade e personalización. No seu momento tivo presenza en Vigo, A Coruña, Madrid e Andalucía, con máis de 50 traballadores e unha facturación próxima a 6 M € (2018). 

En novembro de 2024 entrou en concurso de acredores. A catalá Socigestal presentou unha oferta para comprar a unidade produtiva, pero foi rexeitada por falta de garantías para os traballadores. En maio 2025, por orde xudicial, debía disolver e o persoal (49 persoas) enfróntase a unha débeda acumulada de 7 M €, sen fondos para indemnizacións,