Sector do transporte ofrece sacar o carné gratis a aqueles que queiran facer camioneiros

Obter o carné para conducir camións nunca foi tan fácil. Bo, polo menos desde o plano económico, porque aínda que o test e o téorico seguen sendo igual de complicados, a Asociación de Transporte de Mercadorías de Pontevedra, no seu afán por buscar novos condutores, ofrece a posibilidade a todos os que queiran integrar dentro deste sector sacar gratis o permiso de conducir no canto de ter que desembolsar os entre 2.000 e 3.000 euros que habitualmente hai que gastar para poder sacar a licenza.

CEN INSCRITOS

Esta propueta da patronal busca captar novos condutores e está pensanda especialmente para aqueles desempregados de longa duración, concretamente persoas con máis de 45 anos, pero tamén novos en busca da súa primeira experiencia laboral ou inmigrantes con dificultades para acceder ao mercado laboral. Con este programa, os interesados poderán obter o carné de maneira gratuíta.

Desta maneira, desde o sector buscan facer fronte a varios problemas que atravesa o sector dos transportistas por estrada, como é a falta de man de obra nun emprego onde, recoñecen, as dificultades para conciliar polas rutas dalgúns transportistas, aínda que para algúns a posibilidade de viaxar pode resultar incluso un incentivo. 

Por agora, nesta primeira experiencia onde só teñen que pagar as taxas, hai cen inscritos neste curso que inclúe formación en loxística e prácticas para conducir os camións, clases que realizarán en Redondela ao volante dos grandes transportes que teñen que aprender a dominar.