Explosión nunha planta de baterías en Xirona deixa polo menos un morto
Unha explosión na planta de reciclaxe de baterías Exide Technologies en Sant Julià de Llor i Bonmatí (Xirona) deixou un morto e dous feridos, un deles grave, segundo confirmaron os Bombeiros da Generalitat e o Sistema d'Emergències Mèdiques (SEM). A fábrica, situada a 50 metros de vivendas, acumula anos de queixas por emisións de chumbo e episodios de malos cheiros e irritacións entre os residentes.
Unha persoa faleceu e outra resultou ferida como consecuencia dunha explosión rexistrada a mañá deste luns 28 de abril nunha planta de reciclaxe de baterías situada en Sant Julià de Llor i Bonmatí (A Selva).
Segundo informaron os Bombers da Generalitat a través dun comunicado no seu perfil da rede social X (antes, Twitter), o aviso do incidente recibiuse ás 6:15 horas mediante unha chamada ao teléfono de emerxencias 112. De inmediato, activouse un operativo no que participaron cinco dotacións dos Bombers, xunto con efectivos do Grup d'Incidents Tecnològics (GRIT), especializado na xestión de incidentes de carácter químico ou tecnolóxico.
O GRIT mantén medicións ambientais para descartar fugas tóxicas, mentres as autoridades continúan os labores de extinción e peritaje.
Os feridos foron trasladados ao Hospital Josep Trueta de Xirona, mentres que a vítima mortal, traballadora dunha empresa externa, permaneceu no interior da instalación até a extracción do seu corpo.
A explosión, cuxas causas aínda se están investigando, provocou un incendio no interior da planta, obrigando a despregar un importante dispositivo de seguridade para controlar a situación e evitar novos riscos, dado o tipo de materiais manipulados nas instalacións. A persoa ferida foi trasladada a un centro hospitalario, mentres que os equipos de emerxencia traballan para asegurar a zona e determinar o alcance dos danos.
A alcaldesa Elena Ribas reclamou o peche definitivo da instalación tras catro accidentes graves desde 2023, incluída esta deflagración atribuída preliminarmente a unha caldeira de forno. "Non deberiamos chegar a isto para ser escoitados", declarou Ribas, subliñando o impacto na seguridade de traballadores e veciños.
Escribe o teu comentario