Milagre en alta mar: 19 mariñeiros galegos sobreviven ao afundimento do seu barco en augas chilenas
Un grave incidente sacudiu ao sector pesqueiro galego. O palangreiro "Pico Tresmares", que faenaba no océano Pacífico, afundiuse tras sufrir un incendio mentres navegaba a mil millas da costa de Chile. O suceso ocorreu en condicións meteorolóxicas adversas, con choivas intensas que complicaron aínda máis a situación. O barco estaba a operar a mil millas da Serena, unha cidade ao norte da capital chilena, cando o lume se desatou a bordo, obrigando á tripulación a abandonar a embarcación.
A alerta chegou á armadora grazas á rápida acción doutro pesqueiro que se atopaba na zona. Inmediatamente, activáronse os protocolos de emerxencia, primeiro a través da Secretaría Xeral de Pesca e, posteriormente, do centro de control de Salvamento Marítimo en Madrid, que coordinou a operación cos seus homólogos chilenos. A pronta resposta foi esencial para garantir o éxito do rescate..
Segundo figura na web do Ministerio de Pesca, a embarcación ten porto basee en Celeiro, Lugo. Era un palangreiro de superficie botado en 2005. Na Organización Marítima Internacional o dono rexistrado é a empresa Guadalquivir Pesqueira, con domicilio en Alxeciras, Cádiz e relacionada con armadores da Mariña.
Unha operación de rescate contra reloxo
A operación de rescate levou a cabo en plena noite e baixo condicións extremas, con choivas fortes que dificultaron as manobras. Os 19 tripulantes, tras saltar ás balsas salvavidas, foron localizados e salvados nunha acción que requiriu unha gran coordinación entre as autoridades españolas e chilenas. O centro de Salvamento Marítimo confirmou que, a pesar das adversidades, todos os mariñeiros foron rescatados sans e salvos.
Tras varias horas de angustia, os 19 tripulantes foron rescatados por embarcacións que acudiron ao lugar do sinistro. Os mariñeiros presentaban síntomas de hipotermia e esgotamento, pero afortunadamente non se rexistraron feridos de gravidade.
As autoridades marítimas han iniciado unha investigación para determinar as causas exactas do afundimento.
Escribe o teu comentario