O peche dunha quenda en Stellantis Vigo, sobre a mesa nas novas negociacións

O anuncio de Stellantis Vigo de convocar aos sindicatos a negociar unha “modificación substancial das condicións de traballo” desatou a inquietude entre o persoal. En principio, a empresa pretende axustar só a actividade dunha das dúas liñas de produción, o Sistema 1, e só nun das tres quendas, o de noite. En principio, porque hai sindicatos que sospeitan que se coce algo máis.

“Os que temos experiencia somos conscientes de que esta modificación vai afectar seguramente a máis poboación que aos do Sistema 1”, advirten desde o sindicato CUT, un do catro que forma parte do Comité de Empresa. Esta central lembra que “con cada modificación a empresa sempre aproveitou para flexibilizar máis as condicións de traballo e obrigar a cambiar de quenda e sistema ás persoas que lle apeteza”.

#UXT: “a empresa non aclarou cales son as intencións para esta quenda pois tempo que existe o rumor de que hai intención de pechalo”

Pola súa banda, #UXT advirte que “a empresa non aclarou cales son as intencións para esta quenda pois tempo que existe o rumor de que hai intención de pechalo”. Por agora, UXT recoñece que a empresa xa indicou que quere negociar as “conseguintes mobilidades que sexan necesarias”. É dicir, o cambio de quenda de parte do persoal.
 

O representante de Comisións Obreiras, Santiago García, declarou a Radio Vigo que Eh debe ser xa a longo prazo, o obxectivo a primeira vista de Comisións Obreiras será a non desaparición da quenda de noite,  buscar alternativas que provoquen que o mantemento de quenda sexa efectivo ao longo do tempo para conseguir que a perda de emprego llo menor posible na fábrica e por tanto que o dano ás persoas traballadoras sexa tamén o menor posible”.
 

Pola súa banda, o sindicato con máis representantes no Comité, o SIT - FSI limítase a informar que “en vista da evolución á baixa de produción do P24, a dirección solicitou a constitución dunha comisión negociadora” para “soportar da mellor maneira posible o novo escenario enmarcado nun axuste de actividade na quenda de noite”.
 

Así as cousas, cal é o calado dos cambios que se albiscan na actividade da fábrica de Balaídos? O problema esencial non é esa caída na produción do P24, que é o código interno do  Peugeot 2008, alegada pola empresa para solicitar a apertura da negociación. 

O P24 é un SUV que se empezou a producir fai máis de seis anos, polo que é lóxico que se vaia producindo menos e menos. O problema é que aínda non se sabe que modelo vai ocupar o seu lugar na liña de montaxe do Sistema 1 e, no seu caso, cando se empezará a producir.

O GRUPO QUERE RECORTAR CUSTOS ANTE O AVANCE CHINÉS

O anuncio da “modificación substancial das condicións de traballo” chega nun contexto preocupante para o persoal do maior empleador privado de Galicia. O CEO Carlos Tavarés leva meses realizando alusións á necesidade de recortar os custos de produción en Europa ante a competencia dos vehículos eléctricos chineses. O grupo Stellantis anunciou, entre outras medidas, despedimentos en Italia, a alianza cun produtor chinés, Leap Motor, para vender os seus modelos e a produción dunha versión barata das furgonetas da plataforma K9 -desenvolvida en Vigo- nunha factoría de Turquía.

Tamén comunicou a varias empresas auxiliares da comarca que proporcionan pezas que non contarán con eles para próximos vehículos. Ademais, a planta segue sufrindo paradas esporádicas pero recorrentes, en teoría por falta de compoñentes. A última, anunciada onte para este mesmo xoves.

Que é unha modificación substancial das condicións de traballo?

No dereito laboral en España, a "modificación substancial das condicións de traballo" refírese a calquera cambio significativo nas condicións de traballo previamente pactadas entre o empleador e o empregado. Estas condicións poden estar establecidas no contrato de traballo, convenios colectivos, acordos de empresa ou costumes e prácticas laborais. A regulación das modificacións substanciais das condicións de traballo atópase no artigo 41 do Estatuto dos Traballadores. Este artigo especifica que cambios considéranse substanciais e o procedemento que debe seguir para o seu implementación.

As modificacións substanciais poden afectar a diversas condicións de traballo, talles como a xornada laboral, cambios na duración ou distribución do tempo de traballo, o horario e distribución do tempo de traballo, cambios nas quendas ou os períodos de descanso, o réxime de traballo a quendas, introdución ou modificación de quendas rotativas, o sistema de remuneración, modificacións na estrutura salarial ou os complementos salariais, o sistema de traballo e rendemento, cambios nos métodos de traballo ou nos criterios para avaliar o rendemento, e as funcións, mobilidade funcional dentro da empresa, cando implique un cambio substancial no contido do traballo.

O procedemento para levar a cabo unha modificación substancial das condicións de traballo inclúe varios pasos. Primeiro, o empleador debe notificar por escrito ao traballador e aos seus representantes legais cunha antelación mínima de 15 días á data de efectividade do cambio. No caso de modificacións colectivas, que afecten polo menos a 10 traballadores en empresas de menos de 100 empregados, ao 10% en empresas de 100 a 300 empregados, ou a 30 empregados en empresas de máis de 300, débese iniciar un período de consultas cos representantes dos traballadores que non pode durar máis de 15 días. Unha vez concluído o período de consultas, o empleador pode adoptar a medida e implementarla, sempre cumprindo cos requisitos legais establecidos para asegurar a protección dos dereitos dos traballadores. 

Por tanto, nun par de semanas, xusto antes das vacacións de agosto, deberíase saber cales son as intencións da empresa.