Unha cuarta parte dos galegos atópase en risco de pobreza

Segundo publica a Rede Europea de Loita contra a Pobreza no seu último informe sobre o Estado da Pobreza, unha porcentaxe importante dos cidadáns das diferentes comunidades autónomas atópase en risco de pobreza. Galicia, a pesar de que non é das máis pobres, ofrece unha taxa do 25,2% en risco de pobreza ou exlusión social. É dicir, un de cada catro galegos podería atopar nesta situación.

Con todo, Galicia é unha das comunidades que rexistrou unha mellora nos últimos anos. Desde o ano 2008, cando deu comezo en España a crise do sector inmobiliario, até o 2021, Galicia puido manter cuns bos niveis, chegando a reducir o seu índice de pobreza un 0,7%.

POBREZA SEVERA

As situacións máis alarmantes de pobreza, denominadas no informe sobre o Estado da Pobreza como pobreza severa, representan en Galicia un 8,8%, o que supón case unha de cada dez persoas. Isto, sobre o total de persoas en situación de pobreza, supón un 43,7%, algo menos da metade. Dentro deste grupo de persoas atópanse aquelas que teñen unha renda por baixo do 40% da mediana nacional.

PENSIÓNS POR BAIXO DO LIMIAR DE POBREZA

Segundo indica o informe, un 15,3% do total das pensións en España ten un importe inferior ao limiar de pobreza severa. Isto vese acrecentado nalgunhas rexións, como é caso de Galicia. En Galicia , case a metade das pensións están por baixo deste limiar (46,3%), a comunidade na que máis elevada é esta proporción.

Aínda que esta relación se viu diminuída con respecto ao 2020, ano no que era do 52,8%, seguen representando unha ampla porcentaxe aqueles galegos que cobran unha pensión por baixo dos 681 euros.

Este dato vese incrementado no caso das mulleres. En todas as comunidades autónomas dáse esta diferenza, pero o caso galego sorprende: un 59,6% das pensións das mulleres están por baixo do limiar de pobreza (681 euros) e máis dunha cuarta parte, o 27,7%, atópase por baixo dos 454 euros, o limiar de pobreza severa.

RESTO DE COMUNIDADES

A pesar de que Galicia se atope neste sentido nunha mellor posición que a media española (27,8%). E é que existe, segundo indica o informe sobre o Estado da Pobreza unha clara diferenciación entre o norte e o sur de España. Como sucede desde hai anos, Andalucía, Estremadura e Canarias, as comunidades máis ao sur do país, manteñen as maiores taxas de poboación en risco de pobreza, con cifras que superan o 35%.

No lado oposto atópanse precisamente as comunidades máis ao norte: Navarra, cunha taxa de tan só un 14,7%, e País Vasco, cun 16%.