A ONCE reparte 280.000 euros en Fene en oito boletos premiados do Cupón Diario

Os décimos, premiados con 35.000 euros cada un, corresponden ao premio repartido este martes 4 de outubro. 

Silvia Laborde Novas  foi a encargada de repartir a sorte na súa área de venda, situada no Polígono Vilar do Colo e Gadis, en Fene.

O Cupón Diario da ONCE repartiu en Fene 280.000 euros, en oito cupóns premiados con 35.000 euros cada un no sorteo do martes 4 de outubro.

A vendedora da ONCE Silvia Laborde Novas é quen levou a ilusión da ONCE a oito persoas da súa clientela habitual, con eses 280.000 euros que repartiu desde a súa área de venda, situada no Polígono Vilar do Colo e Gadis, en Fene.

O cupón do 4 de outubro, dedicado ao 175 Aniversario dos estudos de Veterinaria en Córdoba, tamén deixou premios en localidades de Andalucía, Comunidade Valenciana, A Rioxa e Canarias.

O Cupón Diario da ONCE pon en xogo un premio de 500.000 euros ao número máis a serie, e 49 premios de 35.000 euros ás cinco cifras do número premiado. Ademais, conta con 450 premios de 250 euros ás catro primeiras cifras e outros 450 premios ás catro últimas; 9.000 premios de 25 euros no caso de tres últimas ou tres primeiras; e o mesmo para as dúas primeiras e últimas (6 euros), e reintegro de 2 euros á primeira ou a última cifra do número premiado.