Lendoiro e Inés Rey, ausentes en estrea do museo do Dépor en Riazor; Rueda coprotagonista

A inauguración do Dépor Museo & Tour, novo espazo expositivo do RC Deportivo en Riazor, celebrouse o martes sen a presenza de Augusto César Lendoiro, o presidente durante 25 anos  baixo cuxo mandato o club conquistou todos os seus títulos e viviu as súas noites máis brillantes. 

O novo Dépor Museo & Tour abre as celebracións polos 120 anos de historia do club coruñés, integrando recordos deportivos, sociais e culturais nun percorrido por tres salas principais con máis de 250 pezas e un forte compoñente audiovisual. Situado no estadio ABANCA-RIAZOR, o espazo incorpórase á rede de Centros Museísticos de Galicia como o primeiro museo dedicado a un club deportivo dentro deste sistema autonómico. A inauguración reuniu a numerosas autoridades e representantes do tecido institucional e social galego, nunha posta de longo na que tamén había grandes ausentes.

Escotet cede a Rueda o foco institucional

O acto institucional estivo encabezado polo presidente da Xunta, Alfonso Rueda, e polo máximo responsable do Deportivo e de Abanca, Juan Carlos Escotet, que subliñaron o valor do museo como proxecto que preserva a memoria branquiazul e proxéctaa cara ao futuro. Rueda presentou ao club como un dos grandes referentes sociais e deportivos do país, encaixando o museo na estratexia de “Galicia Calidade” e na ampliación da oferta cultural da comunidade. 

Escotet, pola súa banda, destacou o esforzo económico realizado por Abanca para soster ao club nos anos recentes -tras levalo Lendoiro case á quebra- e a súa aposta por consolidar un Dépor competitivo sen renunciar á súa identidade galega. Non se pronunciou sobre a demanda dunha parte da aficción de rebautizar o club de Deportivo da Coruña a Deportivo da Coruña.

O máis comentado pola aficción estes días é a Augusto César Lendoiro, que non figurou entre os invitados pese ser o dirixente baixo o que se conquistaron a liga 1999‑2000, dúas Copas do Rei e tres Supercopas, ademais das históricas noites de Champions. 

En sectores do deportivismo interprétase a ausencia como un xesto que profunda no distanciamento entre o actual consello de administración e o expresidente, despois de que este denunciase publicamente que os exmandatarios deixaran de ter presenza no palco de Riazor. A decisión reabre o debate sobre como xestionar a memoria recente do club nun momento en que se institucionaliza a súa historia en forma de museo. 

A traxectoria de Lendoiro á fronte do Deportivo deixou unha pegada ambivalente na cidade: por unha banda, o salto do club á elite europea e a consolidación da Coruña como praza futbolística de referencia; por outro, un buraco económico que acabou abrindo a porta á entrada de Abanca como principal acredor e, posteriormente, como accionista de control. 

Durante anos, a entidade arrastrou unha débeda que condicionou fichaxes, investimentos e a viabilidade dun  proxecto deportivo que acabou fóra do fútbol profesional, ata que a negociación cos bancos —especialmente con Abanca— permitiu canalizar a situación mediante convenios singulares e sucesivas operacións financeiras. Iso si, polo camiño, o club pasou de ser dos investidores locais. 

Abanca, integrada no tecido financeiro galego tras o proceso de reestruturación das antigas caixas, converteuse cos anos no principal soporte económico do Deportivo e acabou tomando o control accionarial do club para asegurar a súa supervivencia. Baixo a presidencia de Juan Carlos Escotet, o banco impulsou unha estratexia de investimento selectivo e saneamento, que por agora só deu froito en parte, co Dépor na parte alta da clasificación da segunda división. 

Enfrontamento co Concello sobre Riazor

A alcaldesa da Coruña, Inés Rey (#PSOE), non asistiu ao acto ao atopar nun compromiso institucional en Xerez vinculado á FEMP, polo que a representación municipal recaeu nos concelleiros de Deportes e Urbanismo. 

A ausencia da rexedora non é casual. Prodúcese en plena discusión sobre a reforma de Riazor con horizonte Mundial 2030, na que Concello e club acumulan desencontros pola falta de información detallada do proxecto, o plan de viabilidade e a repartición do financiamento. Ademais, club e municipio levan anos de enfrontamentos sobre o nome do estadio. O protagonismo conferido por Escotet a Rueda (#PP) na cerimonia, sen dúbida contribuirá a aumentar o distanciamento coa alcaldía e a sensación de que o magnate hispano venezolano usa o club como ferramenta dos seus intereses particulares e políticos.

Nos últimos meses, Rei insistiu en que Riazor é un ben municipal que seguirá sendo dos coruñeses, rexeitando calquera formulación que se interprete como “regalar” o estadio a unha entidade bancaria, en alusión indirecta a Abanca.

O Deportivo, pola súa banda, reclamou maior claridade sobre a candidatura da Coruña ao Mundial 2030, os prazos da reforma do estadio e as garantías para compatibilizar obras, calendario deportivo e sustentabilidade económica.  

Un museo interactivo para a cidade

O Dépor Museo & Tour propón un percorrido identitario a través de tres espazos: unha Sala Branca de benvida e acceso libre centrada nos valores do club e na evolución do estadio; unha Sala Dourada que repasa as orixes, a etapa multidisciplinar e os primeiros títulos até finais dos anos oitenta; e unha Sala Azul dedicada á etapa contemporánea, cos grandes trofeos e as xestas europeas. 

O proxecto inclúe un tour por vestiarios, sala de prensa e saída ao terreo de xogo, incorporando experiencia inmersiva para explicar ao público o pasado, presente e futuro do Deportivo e da súa canteira, incluída a sección feminina Dépor ABANCA. Prevese que o equipamento reciba decenas de miles de visitantes ao ano e xere un impacto económico relevante para a cidade da Coruña, reforzando a conexión entre club e territorio. 

Historiadores e especialistas traballaron no relato do museo, subliñando que o deportivismo en todas as súas xeracións —afección, xogadores, adestradores e dirixentes— forma parte dunha historia común que se estende de 1906 a 2026. 

Con todo, a ausencia de Lendoiro na inauguración deixa a sensación de que o consenso sobre como contar esa historia aínda non está pecho, e que quedan feridas por suturar entre quen encarnaron as distintas etapas do club. Nin o Deportivo nin Abanca han explicitado publicamente os motivos concretos polos que o expresidente non formou parte do acto.