Ten futuro Charlie Patiño en Riazor? De ser o máis valioso do Dépor a unha ganga no mercado de fichaxes

Cando no verán de 2024 anunciouse a chegada de Charlie Patiño ás filas do Deportivo da Coruña, a afección branquiazul celebrou a fichaxe dunha das maiores promesas do fútbol inglés. Capitán cos inferiores de Inglaterra, un dos debutantes máis novos da historia do Arsenal, boas actuacións nas filas de Blackpool e Swansea...todo parecía augurar que o centrocampista con sangue galego catapultaría a súa carreira en Riazor. Con todo, ano e medio despois, segue sen dar o nivel necesario para ser ese intocable que se presupuña coa súa incorporación e, mesmo, algunhas voces sinalan que habería que buscarlle acomodo noutro club.

DE MÁIS A MENOS...

Esta debería ser a tempada de despegamento de Patiño despois dunha desastrosa primeira campaña. O ano pasado apenas disputou oito duelos entre liga e Copa do Rei. Só 293 minutos ligueiros, aínda que sumou a maioría a partir da xornada 37, xa que até entón só gozara dunha hora de xogo repartida en tres choques. 

Con Hidalgo pareceu atopar certa estabilidade, duplicando até a data o número de minutos que acumulou na tempada 24/25. A pesar de todo, non estreou a súa marcadora de goles ou asistencias. O seu peso no equipo é practicamente nulo e só foi titular en catro ocaisones en Segunda. Ante o Andorra, por exemplo, e a pesar da necesidade do Dépor de atopar solucións en ataque, o técnico deu prioridade a un canteirán como Bil Nsongo, que non debutara en liga, sobre o británico.

No momento da súa fichaxe, que obrigou a un recentemente ascendido como era o Deportivo a realizar un importante esforzo económico, o valor de mercado de Patiño era de 9 millóns de euros, segundo o portal especializado Transfermarkt. O seu prezo pronto empezou a decrecer: primeiro até os 3 quilos, en outubro do ano pasado, con 2 millóns pechou 2024, na primavera se debaluó até só un millón e agora ten unha cotización de pouco máis de medio kilito. 

Patiño deixou moi boas impresións no seu momento na Championship e, con 22 anos cumpridos no outono, estaría a tempo de relanzar o seu careira si atopa o ecosistema indicado para despregar o seu talento. Se o Dépor lánzase a por un centrocampista este xaneiro -Dani Rodríguez é un dos nomes propios na lista de Soriano-, Patiño podería ver sensiblemente reducidas as súas oportunidades, aínda que nalgunhas aparicións demostrou ser capaz de contemporizar o xogo herculino e ser un cable condutor con gran acerto no pase. 

No verán xa se masculló a posibilidade de que saíse cedido e ás portas do mercado de inverno a posibilidade volve estar encima da mesa. As expectativas en torno ao de Watford seguen sendo altas, conscientes de todo o potencial que atesoura nas súas botas como posible motor do cadro galego, pero se alguén pon un cheque no escritorio de Soriano, estudarase detidamente. Agora só falta alguén que se atreva a darlle unha nova oportunidade deste diamante aínda por puír.