Os afeccionados do Athletic Club descobren quen é Jácome: "Ao Ourense tocoulle a pedrea, o Bilbao"

O vindeiro xoves 18 de decembro visitará O Couto un dos equipos máis grandes do fútbol español. O Athletic Club pode presumir de ser, xunto Real Madrid e Barcelona, o único equipo que xamais descendeu de Primeira División. Con máis de 125 anos de historia, os bilbaínos contan nas súas vitrinas con máis dunha vintena de copas, oito cordóns ligueiros e tres supercopas. O seu modelo é admirado en todo o mundo e da súa canteira saíron algúns dos mellores futbolistas da historia de España, desde Iribar até Dani Viván, de raíces ourensás. Os meritos dos leóns son moitos para ser considerados algo que máis que "a pedrea" como os cualificou o sempre polémico Gonzalo Pérez Jácome, alcalde de Ourense que, co seu twit, xa quentou os ánimos para o choque de Copa. 

"O BILBAO"

"Ao Ourense CF tocoulle a pedrea do bombo na Copa do Rei", declarou o rexedor ourensán na súa conta de Twitter, dando a entender que ao seu xuízo o premio gordo do sorteo pasaba por que Real Madrid, Barça ou Atleti visitasen O Couto. Con esa consideración, "facendo de menos" ao cadro branquivermello, o alcalde redondeou o seu post chamando "o Bilbao" ao Athletic. 
 

As reaccións non se fixeron esperar e os comentarios -máis de 700- sucedéronse: "O alcalde quedou sen luces", "Que mala é a ignorancia", "Como se pode ser tan @ruín e menosprezar así ao Athletic" ou, sinxelamente, "Calvo", foron algunhas das respostas dos afeccionados athleticzales. 

Moitos puxeron o acento no feito de que posiblemente os afeccionados do Athletic teñan unha maior repercusión na cidade termal: desprazamentos, estancia en hoteis, consumo en restauración... Algo que, cos afeccionados de Madrid ou Barça que encherían O Couto -considerado polo propio Jácome como "o peor campo español dunha capital de provincia"-, talvez non conseguirían, pois xa só cos seareiros deses equipos na propia cidade o impacto hoteleiro sería sensiblemente máis baixo.

En calquera caso, o Ourense CF celebrou o cruzamento e tendeu pontes cos seus rivais nas últimas horas. Coas entradas xa á venda, na cidade dás Burgas prepáranse para unha noite máxica onde tratarán de darlle outro machadazo á competición despois de deixar na cuneta a Real Oviedo e Xirona. 

Pasaron 65 anos desde a última visita do Athletic e Ernesto Valverde tómallo moi en serio: "Eliminaron a dúas Primeiras. O ano pasado eliminou ao Valladolid, é un equipo copeiro. Será difícil, respectámolos moito". Máis respecto que o mostrado por Jácome, que espera que o equipo da súa cidade siga comprando boletos á espera del Gordo.