Barça vs Negreira en Copa do Rei, o curioso partido que pode converter nun meme inmortal

O luns o persoal da Sociedade Deportiva Negreira reuniuse en grupo para asistir ao sorteo da RFEF para a seguinte rolda da Copa do Rei. Este modesto equipo da Preferente galega vivirá unha noite máxica ao enfrontar a un Primeira División, que non será outro que a Real Sociedade, campión en dúas ocasións, en 1987 e 2020. Para o público galego o Negreira é un club dabondo coñecido, pero máis aló de Pedrafita o nome non se relaciona tanto coa localidade do interior coruñés, senón con José María Enríquez Negreira, ex árbitro e ex vicepresidente do Comité Técnico de Árbitros, famoso polos presuntos pagos irregulares que recibiu no seu día do Fútbol Club Barcelona, ao que se investiga por vertebrar unha suposta trama corrupta no fútbol español no seu beneficio. Esta coincidencia ha povocado moitos meses en redes sociais onde afeccionado fantaseaban cun enfrontamento entre o Barça e o Negreira.

DIFÍCIL, PERO NON IMPOSIBLE

Sería posible un Barça vs Negreira en Copa? Si, pero moi difícil. O cadro galego atópase na sexta categoría do fútbol nacional, polo que a diferenia de talla entre os rojillos e a maioría de equipos é abismal. Neste sentido, terá moi difícil o pase contra toda unha Real Sociedade que, aínda que en horas baixas, é moi superior ao Negreira.

Con todo, cousas máis difíciles víronse no torneo do K.O., afeito deixar imaxes memorables e trompazos impensables dos xigantes. O ano pasado, sen ir máis lonxe, foi o Pontevedra CF o que protagonizou as maiores machadas do torneo ao eliminar a Vilarreal e Mallorca, quedar en oitavos ao perder pola mínima ante o Xetafe. Outro que sorprendeu a propios e estraños foi o Ourense CF, que apeou a Deportivo da Coruña e Real Valladolid do camiño, claudicando contra a Valencia e quedando entre os 16 mellores do torneo.

De todos os xeitos, no hipotético caso de que o Negreira protagonice unha vitoria lendaria contra os donostiarras, o Barça tampouco aparecería no seguinte bombo, pois como campión de Liga e Copa estará presente na Supercopa de Arabia Saudita xunto a Real Madrid, Atletico de Madrid e Athletic Club de Bilbao. Por iso, os azulgranas non estarán presentes nas roldas previas. 

Para que o conxunto da cidade condal visite o Estadio Jesús García Calvo a escuadra nicrariense tería que superar unha rolda máis, tamén contra un Primeira, tal e como establece o formato copeiro nestas primeiras roldas, e que a divos fortuna xunte os camiños dun e outro equipo. Por iso, tería que realizar dúas vitorias antolóxicas, algo que reduce as posibilidades deste modestísimo club que, con todo, permítese soñar en grande e ser o latiguillo desta edición do torneo.