Sorteo Copa do Rei: premio gordo para SD Negreira e Ourense CF, que se medirán a Real Sociedade e Real Oviedo

Todo esforzo ten a súa recompensa. Sábeno hoxe en Negreira, onde o equipo local, a Sociedade Deportiva Negreira viu premiado a súa desempeño en Copa do Rei, despois de levantar o 2-1 da ida ante SD Téxtil Escudo en Cabezón de la Sal cun espectacular 4-0 na volta en casa, onde conseguiron o billete á seguinte rolda do torneo do K.O., onde hai seis equipos galegos máis co obxectivo de seguir pasando roldas. 

RIVAIS DE PRIMEIRA

O Negreira ten de premio medir a un Primeira División. Un caramelo envelenado pola dificultade, pero unha alegría para o municipio, que vivirá unha noite grande contra un histórico como a Real Sociedade, que a pesar de vivir horas baixas levantou o título hai só seis tempadas. Tampouco o terá fácil o Ourense CF, conxunto que terá que deixar na cuneta a outro equipo da elite como o Real Oviedo, lanzado tras a vitoria deste fin de semana ante a Valencia CF. 

Outro partido de Primeira será o do Celta de Vigo, que terá un desprazamento cómodo até Asturias, onde xogará ante o modesto Porto de Veiga, equipo da Primeira Asturiana dun municipio de menos de 2.000 habitantes que seguro será unha caldeira cando o balón bote a rodar contra os celestes. Un pouco máis lonxe, até o límite entre Cantábria e o País Vasco, terá que viaxar o Deportivo da Coruña, que se medirá a UD Sámano, equipo da Segunda RFEF.

Xa no relativo aos equipos de Primeira RFEF, os partidos quedan tamén no norte de España. O Racing de Ferrol, empeñado en regresar a Segunda División pola vía rápida a pesar das tres xornadas seguidas sen gañar, terá que viaxar até Langreo, equipo da Segunda RFEF que hoxe merodea pola zona baixa da táboa, onde tamén atopamos á Unión Deportiva Ourense, incapaz de gañar nos primeiros cinco partidos, onde só puido rabuñar dous empates. Precisamente, a UDO terá que xogar as castañas ante o Pontevedra CF, feliz revelación do Grupo I do fútbol de bronce ao pelexar polos postos de playoff. Agora os granates terán que desprazar ao Couto para facer cun billete á seguinte rolda copeira no único derbi rexional que deixa esta rolda de 1/64 de final da Copa do Rei en Galicia.