A XI Edición da Carreira ENKI 2024 xa está en marcha na Coruña

Un ano máis, os corredores na Coruña ponse as zapatillas, o pantalón e a capa? A carreira máis divertida e, sobre todo, solidaria da comunidade regresa un ano máis -e xa van once edicións- para encher a cidade coruñesa de corredores de todas as idades, listos para suar a pinga gorda e achegar o seu granito de area na Carreira de ENKI. 

A de ENKI é unha proba lúdica que mestura o xogo, promove a inclusión e trata de dar visibilidade a todos os colectivos e persoas con diversidade funcional co respecto e a educación como selos. Desde deportistas profesionais até familias enteiras poden gozar desta "competición" con obstáculos accesibles para todos, non obrigatorios e libres de alerxias. 

"En todos os obstáculos, ademais, haberá un equipo de voluntariado para apoiar, axudar e dinamizar o obstáculo. Supervisarase o correcto desenvolvemento e velarán pola seguridade das participantes durante da proba", detallan os organizadores. 

A inscrición, "aberta até esgotar prazas", abriuse este martes 17 de setembro no Corte Inglés e a carreira está programada para o vindeiro sábado 19 de outubro. Os premios concederanse ao disfrace máis orixinal, ao equipo máis animado ou ao equipo máis numeroso, ademais dos premios concedidos ás entidades e centros educativos que participen no evento.