Falece un home en Boiro mentres participaba nunha carreira de trail na Serra do Barbanza
A pesar da asistencia dos sanitarios, nada se puido facer por salvar a vida do home a causa, aparentemente, dun fallo cardíaco.
Un home faleceu no municipio coruñés de Boiro mentres participaba nunha carreira pola serra do Barbanza. As primeiras hipóteses apuntan a que a causa da morte podería ser un paro cardíaco.
O suceso produciuse sobre as 12.30 horas deste domingo e foi un particular o que solicitou asistencia sanitaria pola indisposición dunha persoa.
Até o punto desprazáronse os profesionais de Urxencias Sanitarias de Galicia-061 que non puideron facer nada por salvarlle a vida. Tamén acudiron a Policía Local e a Garda Civil.
Escribe o teu comentario