A Coruña e Vigo ditarán sentenza para elixir á mellor hamburguesa de España en The Champions Burger

Miles de coruñeses, viaxeiros e curiosos puideron probar na cidade herculina os manxares que esconden as food trucks localizadas no peirao de Calvo Sotelo. Desde o pasado 14 de agosto decenas de chefs compiten por facer co título da mellor hamburguesa de The Champions Burger, o festival itinerante que busca ao mellor bocado do país e que estará até este domingo 24 de agosto no norte galego, antes de enganchar os remolques e enfilar pola AP-9 rumbo a Vigo para a súa segunda estancia na comunidade.

A MELLOR IRÁ A EUROPA

Como o ano pasado, despois da súa estancia na Coruña, onde unha vintena de establecementos tentaron conquistar todos os padais que se pasearon polo recinto en busca dos sabores máis audaces, con propostas que tanto poden ter a trufa como ingrediente principal da súa salsa como flocos de millo salgados.

Xa leven bacon, ovo, chacina ou queixo do país, as composicións, que van desde o máis orixinal con pans de cores até as clásicas cheesburger, poden acompañar das sempre solicitadas patacas fritas pero tamén de pito ou doces, presentes nalgunhas food trucks.

Os asistentes son os encargados de elixir coas súas valoracións á mellor e a que reciba máis votos sairá vitoriosa do seu paso pola Coruña. En Vigo, 28 ao 7 de setembro no Centro Comercial Vialia, someteranse ao mesmo exame e logo, a nivel nacional, sairá a representate de España no certame europeo, pero non será até outono que se celebre a finalísima para elixir ao prato que irá á cita continental.