C. Tangana en Vigo para charlar co público sobre a súa película A guitarra flamenca de Yerai Cortés
O músico madrileño, de pai galego e autor do himno do Celta de Vigo, debutou como director como un documental que está a recibir unha boa acollida da crítica. Presentarao nun cine da cidade a próxima semana.
O Centro Comercial Praza Elíptica de Vigo será escenario, o vindeiro xoves 30 de xaneiro, dun evento cultural de primeiro nivel coa presenza de Antón Álvarez, máis coñecido como C. Tangana. O polifacético artista, aclamado tanto na música como no cine, acudirá aos Cines Tamberlick para presentar a película A guitarra flamenca de Yerai Cortés, un proxecto no que participou activamente.
O evento xa se perfila como un dos momentos máis populares da axenda cultural de Vigo este inverno. As entradas están dispoñibles desde este mércores 22 de xaneiro. Cun aforamento limitado a 270 persoas, hai unha altísima demanda, quedan moi pocoas.
Aqueles que desexen participar no coloquio deben asistir previamente á proxección da película.
A proxección da película está programada para as 19:25 horas, seguida dun coloquio exclusivo co artista ás 21:00 horas, ambos na mesma sala. Este evento reforza a conexión emocional e cultural de C.Tangana con Vigo, unha cidade que considera próxima polas súas raíces familiares.
Unha película que une tradición e vangarda
A guitarra flamenca de Yerai Cortés narra o encontro entre o propio C.Tangana e o guitarrista Yerai Cortés, recoñecido pola súa habilidade para entrelazar a tradición xitana do flamenco con propostas contemporáneas. A película profunda na súa colaboración artística para crear un álbum que non só explora novas posibilidades musicais, senón que tamén desvela os conflitos internos e segredos familiares do guitarrista.
O resultado é unha obra cinematográfica que transcende o musical, ofrecendo unha experiencia inmersiva cargada de paixón, redención e emoción. Segundo a sinopsis, este proxecto non só conecta ao público coa arte flamenca, senón que tamén expón a dimensión persoal detrás do proceso creativo.
Vínculos de C.Tangana con Galicia
Aínda que coñecido internacionalmente, C.Tangana mantén fortes lazos con Galicia, rexión de orixe da súa familia paterna. Ademais, é un recoñecido afeccionado do RC Celta de Vigo, o que reforza a súa proximidade coa cidade. A súa participación neste evento é un exemplo máis do seu compromiso coas súas raíces culturais e emocionais.
Escribe o teu comentario