Lontreira e Carlangas e Os Cubalibres pon o broche de ouro ao cartel de Caudal Fest 2024
O festival lucense pecha a súa proposta para esta nova edición que se celebrará do 20 ao 21 de setembro.
Non vai máis. Xa non se admiten máis apostas nos artistas que comporán o Caudal Fest deste 2024, unha edición moi especial e para a que a organización xa deu a coñecer toda a constelación de estrelas que se darán cita no firmamento do festival lucense, a "última festa do verán" e unha referencia en todo o noroeste peninsular.
Así, cos anuncios de Carlangas e Os Cubalibres e Lontreira, péchase a listaxe de artistas que se pasarán polo xardín do Pazo de Feiras e Congresos de Lugo, que para esta sexta edición contará, outra vez máis, co mellor do panorama nacional, pero tamén con artistas emerxentes do país.
Coa previsión de superar os 37.567 asistentes do ano pasado -marca nas cinco edicións celebradas até a data-, o Caudal programou un 2024 no que Amaral, Viva Suecia, Huecco ou Varry Brava abrirán boca o venres 20 de setembro. Carlos Sadness, Karavana, Ana Lua Caiano, Xina Moura e Ramón Mirabet, ademais dos dúas últimas fichaxes xa citados, completan o primeiro día de música.
Sen descanso, a festa non parará o sábado 21, data na que Mikel Izal, no seu único festival do verán en Galicia, compartirá escenario con Arde Bogotá, Xenebras, Nil Moliner, Ladilla Rusa ou Siloé. Para pechar esta VIN Edición, onde está previsto que rompan todos os rexistros, tamén ofrecerán a súa arte A túa Outra Bonita, Parkineos, Monoulious DOP, Dani Dicostas e Querido.
Escribe o teu comentario