Escoita o novo disco de Ataque Escampe, Cabalgata, que presentarán na Capitol de Santiago

Volven uns clásicos, quizais ao seu pesar. Ataque Escampe, banda crave no devir do pop galego e da música en galego nas últimas décadas, non se rende e lanza Cabalgata,  o seu oitavo longa duración, que os converte nun dos grupos cunha traxectoria máis lonxeva na escena do país.

Un LP producido por outro ilustre compostelán, Hevi, alma máter dos seminais Malandrómeda e que  traballou con artistas como Ortiga ou Novidades Carminha. 

Pasaron seis anos desde o anterior rexistro longo (Primeiros bicos, 2017). Neste novo disco, o grupo compostelán volve mostrarnos o seu universo creativo, mantendo acenos de identidade (como o coidado dunhas letras baseadas no humor e a vulnerabilidade e o achegamento a diferentes estilos) e introducindo tamén numerosas novidades.

Na instrumentación, por exemplo, destaca a presenza de sintetizadores e, en ocasións, saxofón e bases electrónicas, con influencias poucas veces vistas no grupo como o música disco e o hi-NRG (presente no primeiro adianto, Lamborghini), o hip hop dá vella escola (Fuck the Police) ou a new wave (Amigo). 

O grupo xa publicou tres pezas na súa canle de Youtube:

TRAXECTORIA DE ATAQUE ESCAMPE

O de Ataque Escampe é un caso insólito. Nos quince anos desde o seu primeiro LP, atravesaron unha cantidade imprudente de xéneros. Desde a cumbia de Noites de agosto ao kraut de As Cruzamentos, pasando polo soul de Violentos anos dez.

Neses anos tamén cambiaron os instrumentos que marcaban o son do grupo, desaparecendo o acordeón, o banjo ou o mirlitón en favor dunha formación máis eléctrica e electrónica. E, con todo, o grupo seguiu tendo un carácter inconfundible, quizais porque a súa identidade se basea en non repetir (ou non repetir demasiado).

Co seu novo LP, a banda demostra a súa vontade de probar cousas novas sen abandonar os esquemas do pop, polo que tamén aparecen elementos que cambian no son dunha banda que nunca deixou indiferente a case ninguén.