Estas son as ofertas de lecer para este fin de semana en Galicia
Inicio da Festa da Reconquista en Vigo, concertos, música, cine e todos os plans de lecer para este fin de semana
Festa da Reconquista: Este fin de semana dará comezo a Festa da Reconquista en Vigo, conmemorando os días do alzamento popular contra o exército de Napoleón. A celebración inclúe un mercado artesanal, postos de comida, zonas de lecer infantil e música en vivo.
Purin Work: Andrés Mesías Gutiérrez, máis coñecido como Purin Work Flako, é un artista coruñés de música urbana. Este sábado actuará na sala Praia Club da Coruña. O espectáculo terá lugar a partir das 00:30 e as entradas poden conserguirse por un prezo desde 10 euros.
Eu fun a EGB: Este show de máis de cinco horas de duración fará retrotraerse a toda unha xeración, aquela que cursou a EGB: a das pipas Facundo, a pantera rosa, os pratos Duralex e os VHS. As entradas para este espectáculo que terá lugar na Coruña este sábado, 25, ás 19:00 horas no Coliseum poderán obter a través da web de Ataquilla.com a un prezo de 38 euros.
Matria: A sala de cine Numax de Santiago de Compostela acaba de estrear a película Matria, unha película dirixida por Álvaro Gago que conta a historia de Ramona, unha muller de corenta anos que, cunha vida tensa e impredicible, coñece a Xosé, que lle fará pensar que talvez haxa algo novo polo que vivir. Poderá verse este fin de semana o sábado ás 16:00, ás 18:00 e ás 20:00, e o domingo ás 17:15 e ás 19:15.
Dano: Vigo trae ao Máster Club un concerto de Dano, un dos artífices do hip hop en España e Arxentina, onde traballou con Nathy Peluso. As entradas para este concerto, que terá lugar o sábado ás 21:00 poden comprar a través de Wegow a partir de 19,83 euros.
Escribe o teu comentario