Tolyatti Adrift e Alén do mar, gañadoras das 18ª Mostra Internacional de Cinema Etnográfico
As cintas Detached, Tatuado nos ollos levamos ou pouso e Malgrat tamén recibiron galardóns
O xurado da 18ª edición da Mostra Internacional de Cinema Etnográfico, promovida polo Museo do Pobo Galego, concedeu o Premio MICE ao Mellor Filme Galego a Alén do mar, de Eloy Domínguez Serén e Samuel Moreno Álvarez.
Tolyatti Adrift, producida por Boogaloo Films e distribuída por Begin Again Films, é unha película documental sobre o antigo símbolo do orgullo socialista, a cidade rusa de Tolyatii. O xurado valorou o seu tratamento "a través dunha mocidade sen perspectivas de futuro en constante confrontación coa vida dos seus maiores, unha situación extrapolable a case calquera lugar do mundo".
Ademais, tamén destacou o uso da cámara con "unha proximidade que se achega case de forma íntima á cotidianidad dos protagonistas", e o equilibrio na montaxe mesturando imaxes de arquivo e actuais.
En Alén do mar os cineastas comparten aspectos das súas vidas e traballos en Galicia e colombia. Sobre esta película, o xurado subliñou o feito de que se penetre nun xénero "tan pouco visitado como é o vídeo correspondencia".
Estas cartas filmadas "recollen historias persoais, memorias afectivas, unha viaxe por planos con diferentes épocas de rodaxe, diferentes culturas, contextos e épocas sociais, gravadas ademais nun momento histórico moi concreto", que fan que "sexa fácil sentir reflectido nas palabras, planos e sentimentos dos directores".
O premio Agantro á Excelencia Antropolóxica ha recaído en Detached ; o premio Crea foi para Tatuado nos ollos levamos ou pouso, de Diana Toucedo, e o Premio do Público, para Malgrat, de Santi Teijelo.
Escribe o teu comentario