Chechu Salgado, símbolo da provincia de Lugo no documental que a Deputación presentará a Fitur 2023
Salgado é coñecido por proxectos audiovisuais como As Leis da Fronteira, Fariña ou Patria
A Deputación de Lugo informou de que está a rodar estes días o audiovisual sobre a provincia que presentará na Feira Internacional de Turismo (Fitur) 2023 no mes de xaneiro. O actor galego Chechu Salgado, natural do municipio lucense de Sober, será o protagonista desta campaña turística provincial.
Salgado é coñecido por proxectos audiovisuais como As Leis da Fronteira, Fariña ou Patria, entre outros, e foi distinguido co Goya ao Mellor Actor revelación neste ano 2022.
Pilar García Porto, deputada de Réxime Interior, Promoción do Territorio e Turismo, destacou a importancia de contar "cun actor da altura de Chechu Salgado", que levará, salientou, o nome da provincia "por todo o país".
"Quixemos facer unha campaña dinámica e visual para impulsar a proxección da nosa provincia, cun embaixador de primeiro nivel como Chechu Salgado", recalcou.
Escribe o teu comentario